Төрағасының блогы
Сұрақ қою
Сұрақ қою-
Салеметсіз бе, Болаткан Айткожанович. Мен Ақтау қаласынан қазан айында 32а шағын ауданынан жалдамалы пəтер алған болатынмын. Енді қаңтар айында ай сайын қаржыны төлей алмауыма байланысты, үйді кері тапсыруға мəжбүр болғанмын. Сату бөліміне осы айда кемінде 6-7 рет бардым. Соның барлығы сол жердегі Касымова Айгерім деген жұмыскердің дұрыс анықтама бермеуінен болды. Жұмысына немқұрайлы қарайды. Телефондарын шамалыға көтермейді. Халықпен жұмыс жасағасын, бұл жұмыстың оңай емес екенін біліп, жауапкершілікпен қарау керек деген ойдамын. Дұрыс жауап бермейді, толық ақпарат жоқ. Бір жерге он рет жүргізеді. Соған орай шара қолдансаңыздар. Рахмет!
Жауап
Сәлеметсіз бе, Әсем!
«Samruk-Kazyna Construction» АҚ-ның Ақтау қаласындағы өкілі жұмыстан босатылды.Қазіргі уақытта өкілдікте біздің қызметкеріміз жұмыс істейді. Сіздерге көмек көрсетуге дайынбыз. -
Құрметті Болатхан мырза. 2018 жылы қыркүйекте Алматы қаласында Восточка тұрғын үй кешеніне өтініш берген едік. 2019 жылы үйді пайдалануға беру керек еді, бірақ әлі құрылыс аяқталған жоқ. Бізге Бауыр Девеломент үйдің шаршы метрін 260мыңгемен сатып, Тұрғын үй жинақ банкі арқылы келісімге отырдық. Құрылыс компанияның уәдесі бойынша биыл жаз айында үйді қолданысқа береді, бірақ бағасын көтеріп 300ге көтереді деген ұсыныс бар екен. Біз баспана сацты арқылы конкурстан өтіп, 260мыңға келісіп, келісімшартқа отырған едік. Құрылыс компаниясының дағдарысқа ұшырауы, доллардың көтерілуі салымшыларға әсер етпеу керек деп ойлаймын. Біз кішкене үйде ата -анамызбен Талғар ауданында тұрамыз. Жұмысымыз қалада. Өз үйімізді 1.5 жыл күтіп жүргенде бағасын көтергені дұрыс емес. Келісімшарт бойынша келіскен бағаны өзгерту дұрыс па? Осы жылы жазда пәтерімізге кіре аламыз ба?
Жауап
Сәлеметсізбе Арайлым!
Қоғам Құрылыс салушымен жасалған Инвестициялау шартына сәйкес құрылыс объектісін қаржыландыру бойынша өзіне міндеттемелер қабылдады. Құрылыс салушы, өз кезегінде, объектіні салып пайдалануға енгізуге, сондай-ақ Қоғамға қаржыландыру сомасын қайтаруды жүзеге асыруға міндеттенді. Бұл ретте, инвестициялау шартының талаптарына сәйкес, Құрылыс салушының үшінші тұлғалармен пәтерді өткізу бағасын белгілеу бойынша талап қою бөлігінде қарым-қатынастарына Қоғамның араласу құқығы көзделмеген. Сонымен қатар, Құрылыс салушы Қоғамға қаржыландыру сомасын қайтару бойынша өзіне қабылдаған міндеттерін ескере отырып, пәтерлерді өткізетінін назарға алу қажет.
-
Алматыдағы Восточка тұрғын үй кешені қашан аяқталады? Оның 2жылдан бергі проблемасы қашан шешіледі?
Жауап
Сәлеметсізбе Арайлым!
"Восточка" тұрғын уй кешенінің құрылысын аяқтаудың жоспарланған мерзімі: 2020 жылы маусым-қыркүйек айлары.
-
10 үй 239 пәтерде тұратын квартиранттар әбден мазамды алды. Нақты шара қолдануыңызды сұраймын
Жауап
Қайырлы күн!
Сіздің өтінішіңізге орай, «Асыл Арман» ТА, 10-үй, 239-пәтерде тұратын жалға алушы А.А. Өтеғалиевпен тұру жерінде қоғамдық тәртіпті бұзуға жол бермеу мақсатында алдын ала әңгімелесу өткізілетіндігін хабарлаймыз.
-
Құрметті басқарма төрағасы! Алматы қаласындағы "АСЫЛ АРМАН" тұрғынымын. Пәтердің ай сайын төлемін КАСПИЙ.КЗ арқылы төлеуге ауыстыруыңызды сұраймыз. Бізге өте ыңғайлы каспий.кз арқылы төлеген. Қаладағы үлкен кептелістен шаршап жүрген халықтың ұсынысын қарастырып, шешетініңізге сенеміз.
Жауап
Сәлеметсіз бе, Ләззат!
«Samruk-Kazyna Construction» АҚ-ның «Каспийбанк» АҚ-да шоты жоқ. Жалға алушы жалдау төлемдерін «Қазақстан Халық банкі» АҚ-ның кез келген бөлімшесінде немесе терминалында, «Қазпочта» АҚ-да немесе homebank.kz немесе post.kz сайттарында онлайн төлей алады -
«Нұрлы Жер» тұрғын үй құрылысы мемлекеттік бағдарламасы шеңберінде тұрғын үй операторы болып кім табылады?
Жауап
2017 жылдан бастап Қазақстанда тұрғын үй құрылысы «Нұрлы Жер» мемлекеттік бағдарламасы шеңберінде іске асырылады.
«Нұрлы Жер» бағдарламасын іске асырудың бас операторлары «Самұрық-Қазына» жылжымайтын мүлік қоры» АҚ, «Қазақстанның ипотекалық компанимясы» ИҰ» АҚ, «Тұрғын үй құрылыс жинақ банкі» АҚ, «Бәйтерек» ҰБХ» АҚ, жергілікті атқарушы органдар болып табылады.
-
«Нұрлы Жер» мемлекеттік бағдарламасына «Самұрық-Қазына» жылжымайтын мүлік қоры» АҚ желісі бойынша қалай қатысуға болады?
Жауап
«Самұрық-Қазына» жылжымайтын мүлік қоры» АҚ «Нұрлы Жер» бағдарламасы операторының бірі ретінде «Коммерциялық тұрғын үй» (бұрын – «Нұрлы Жол» бағдарламасы) және «Сатып алу құқығымен жалға берілетін тұрғын үй» (бұрын – Өңірлерді дамытудың 2020 жылға дейінгі бағдарламасы) бағыттары бойынша тұрғын үй құрылысының жобаларын инвестициялайды.
Тұрғын үйлерді «Сатып алу құқығымен жалға берілетін тұрғын үй» бағыты бойынша өткізу мынадай тәртіппен жүзеге асырылады:
- төлем қабілеттілігін растаған, тұрғын үйлерді кейін сатып алумен жалға алушылар тізімін қалыптастырып, Жылжжымайтын мүлік қорына жіберетін жергілікті атқарушы органдар (бұдан әрі - ЖАО) арқылы;
- ЖАО арқылы үлестірілмеген Жылжымайтын мүлік қорының тұрғын үйлері одан әрі жалдау төлемдерін төлеу үшін жеткілікті кірісін растаған, баспанасы жоқ адамдарға немесе тұрғын үй жағдайын жақсартуға мұқтаж адамдарға артықшылық көрсету қағидатын сақтай отырып, интернет арқылы сатып алу құқығымен жалға беру жолымен өткізілуге жатады. Тұрғын үйлерді ЖАО немесе интернет арқылы үйлестіру шарттарымен «Самұрық-Қазына» жылжымайтын мүлік қоры» АҚ fnsk.kz сайтында танысуға болады.
«Самұрық-Қазына» жылжымайтын мүлік қоры» АҚ «Коммерциялық тұрғын үй» бағыты бойынша құрылысты мемлекеттік-жекешелік әріптестік қағидаттары негізінде жүзеге асырады. Құрылыс салушыға еркін нарықта тұрғын үй пулын толығымен өткізу құқығы беріледі, яғни азаматтар тұрғын үй сатып алу үшін құрылыс салушыға тікелей жүгіне алады. Объектілер мен Құрылыс салушылар туралы ақпарат «Самұрық - Қазына» жылжымайтын мүлік қоры» АҚ www.fnsk.kz.сайтында орналастырылған.
-
Пәтерді сатып алу құқығымен жалға алу үшін жалдау төлемінің ең жоғары сомасын төлеуге қабілеттілікті қалай есептеуге болады?
Жауап
Өз мүмкіндіктеріңізді мына есеп бойынша алдын ала бағалауға болады: егер ресми жиынтық кіріс пен барлық шығындар арасындағы айырма ең жоғары ай сайынғы жалдау төлемінен төмен болмаса, онда өтінім беру үшін төлем қабілеттілігі жеткілікті болып есептеледі.
Өтінім берушілер Интернет арқылы өтінім беру кезінде төлем қабілеттілігін есептеу үшін www.fnsk.kz сайтындағы калькуляторды пайдалана алады. Бұл үшін тұрғын үй кешені мен пәтер үлгісін (1, 2, 3-бөлмелі) анықтау қажет, себебі әрбір үлгідегі пәтерге өзінің төлем қабілеттігі көзделеді. Бұл ретте өтінім беруші отбасы мүшесі ретінде берген және кірісі өтінім берушінің (тең өтінім берушінің) жалдау төлемінің ең жоғары сомасын есептеген кезде ескерілген адам өз бетінше өтінім беруге және тұрғын үйді үлестіруге өтінім беруші ретінде қатысуға құқылы емес немесе өтінім қанағаттандырылмаған немесе өтінім берушіні тұрғын үйді алуға қатысушылар қатарынан алып тастаған (қатысудан бас тартқан) немесе аталған отбасы мүшесі өтінім берушінің тізімінен алынып тасталған жағдайларды қоспағанда, оны басқа өтінім берушіде отбасы мүшесі ретінде көрсетуге болмайды.
Қосымша ақпарат «Самұрық-Қазына» жылжымайтын мүлік қоры» АҚ www.fnsk.kz.сайтында орналастырылған. ЖЖТ есептеу жөнінде консультацияны «ФН Менеджмент» ЖСШ 8 (7172) 91 90 70 телефоны арқылы алуға болады.
-
Өтінімді Интернет арқылы қалай беруге болады?
Жауап
Өтінімдер қабылдауға дейін 1 ай бұрын «Самұрық-Қазына» жылжымайтын мүлік қоры» АҚ сайтында өтінімдер қабылдау мерзімі туралы жарияланады. Өтінімдер тұрғын үй кешенін таңдауға және өтінім қалдыру мүмкіндігі бар «Самұрық - Қазына» жылжымайтын мүлік қоры» АҚ www.fnsk.kz веб-сайтында интернет арқылы қабылданады. Уақытты босқа жоғалтпау үшін электрондық цифрлық қолтаңбаны пайдалана отырып, жүйеге күні бұрын тіркелу және пәтерді таңдау қажет.
Өтінім берілгеннен кейін автоматты түрде тіркелу уақыты, күні мен реттік нөмірі беріледі, солардың негізінде өтінім берушілердің кезектілігі қалыптастырылады. Пайдаланушылар жылжымайтын мүлік объектісімен, оның жайғасымымен егжей-тегжейлі таныса алады. Өтінімдер қабылданғаннан кейін өткізілетін объектіде тұрғын үй алуға ниет білдірген, тіркелген азаматтардың толық тізімі жарияланады. Содан кейін әлеуетті сатып алушы қажетті құжаттардың толық топтамасын ұсынып, шарт жасай алады.
-
Жалға берілетін тұрғын үйлерге өтінім беруге жасқа байланысты шектеулер бар ма?
Жауап
Жасқа байланысты шектеулер жоқ. Бағдарламаға ресми түрде расталған кірісі бар барлық кәмелетке толған азаматтар қатыса алады. Басты өлшемшарт – төлем қабілеттілігі. Төлем қабілеттілігінің жеткілікті болуы өтінім беруші мен оның жанұясы алуға ниеттенген пәтерге (пәтердің үлгісіне, алаңына) байланысты болады.